Уырыссаг георграфион æхсæнады Цæгатирыстойнаг хайады скодтой сæ куысты фæстаг æртæ азæн хатдзæгтæ. Сæ къухы бафтыд бирæ æнтыстдзинæдтæ. Экологи, географи, аивад æмæ æхсæнадон фарстаты фæдыл 10 проектæй фылдæр. Стратегион хъæппæристы агентады фыццаг рейтингы хатдзæгтæм гæсгæ Цæгат Ирыстоны паддзахадон университет хаст æрцыд бæрзонд экологон æмвæзады цы уæлдæр ахуыргæнæндæттæ ис Уæрæсейы, уыдоны хыгъдмæ.
Нæ бæстæйы регионтæй та Цæгат Ирыстоны цæрджытæ фыццæгтæ федтой «Золотого фонда Русского географического общества»-йы æрмæг. Царды уадзынц Хъазыбег-Джимарайаг геопарк саразаны проект дæр. Иумæйаг комплекс раргом кодта Кавказы астæуккаг хайы скæсæйнаг бæстыхайы геологион историйы æппæт къæпхæнтæ дæр. Егъау нысæнттæ ис ацы азмæ дæр. Ахуырад, туризм, сæйраг дæр — регионы райрæзт.
Уырыссаг географион æхсæнады Цæгатирыстойнаг хайады фæнд кæнынц скъоладзауты ‘хсæн расидын георгафи æмæ экологийæ иртасæн æмæ аивадон куыстыты æркаст. Республикæйы географийæ ахуыргæнджыты ‘хсæн æркасты сæйраг нысан та у сæ фарсмæ æрбалæууын. Уæлахиздзау райсдзæн 100 мин сомы.
Уымæй уæлдай ма, Цæгат Ирыстоны паддзахадон университеты фæпарахатдæр кодтой студентты цы дæсныйадтæм гæсгæ цæттæ кæнынц, уыдоны номхыгъд. Ныр Иумæйаг Паддзахадон фæлварæны хатдзæгтæ ахсджиаг сты «Экономика» æмæ «Туризмы»-ы хайады абитуриенттæн.
