ЦИПУ-йы студенттæй фадынæгæй кæуыл дызæрдыг кæнынц , уыдон сты дохтырыты цæстдарды бын

Цæгат Ирыстоны паддзахадон университеты студенттæй фадынæгæй кæуыл дызæрдыг кæнынц, уыдон сты дохтырыты цæстдарды бын. Ацы низ ныр дæр нымад у уæззаудæртæй иуыл. Инфекци у æрвылазон. Алкæмæндæр дзы йæ бон у фæрынчын уæвын. Тæссагдæр къордты ‘хсæн – сабитæ æмæ æнхъæлцау сылгоймæгтæ. Вирус иу адæймагæй иннæуыл бахæцы уæлдæфы уылты. Фыццаг уал бахауы улæфæнтæм, уый фæстæ та апарахат вæййы æппæт организмыл. Низ кæмæ раиртасынц, уыдонæн арæхдæр схизы сæ тæвд, ссырх вæййынц сæ цæстытæ æмæ сæ буар рафады. Низы æууæлтæ фæзынынц 10-14 боны æмгъуыдмæ. Йæ фæстиуджытæ дæр сты тæссаг – энцефалит, пневмонийæ, раст ма цæстытæй дæр æвзæр уынын райдайы адæймаг. Сæйраг профилактикон мадзал – вакцинаци.