Тугъанты Махарбеджы номыл аивадон музейы байгом Гадаты Лазары камерон куыстыты равдыст. Йæ скульптурæтæ адæмы рæгъмæ фыццаг хатт хаст æрцыдысты. Æппæт куыстытæ дæр уыдысты Мæскуыйы, нывгæнæджы æрмадзы. Гадаты Лазарь кусы алыхуызон æрмæгимæ – дур, хъæдæрмæг, керамикæ æмæ бронзæимæ. Стыр скульптурæ скæныны размæ уал нывгæнæг саразы чысыл.
Уæвгæ, Гадаты Лазары куыстытæ сты Третьяковы галереяйы ‘мбырдгонды, стæй Уырыссаг паддзахадон музейы Санкт-Петербургы. Йæ сфæлдыстадон æрмдзæфæн ын аргъ кæнынц Кельны дæр. Йæ куыстытæ сты Уæрæсе, Америкæ, Германи æмæ Францийы хи коллекциты. 2008-æм азы та Третьяковы галереяйы уыд нывгæнæджы равдыст.
