Туристон-рекреацион комплекс “Мамысон” фыццаг уазджыты райсдзæн 28 февралы

Туристон-рекреацион комплекс “Мамысон” фыццаг уазджыты райсдзæн 28 февралы. Уый тыххæй журналисттæн информацион портал “ТАСС Кавказ”-ы пресс-конференцийы рæстæг Пятигорскы радзырдта Сергей Меняйло. Сæргълæууæг фæнысан кодта, техникон æгъдауæй курорт ныридæгæн цæттæ у. Мамысоны ма цæуы дарддæры рацарæзт, æвæрынц митæй ифтонггæнæн алыхуызон системæтæ, фæфылдæр кæндзысты адæмы кæм æрцæрын кæной, ахæм бынæтты нымæц, стæй æхсæнадон хæрæндæттæ дæр. Фидæнмæ ма сæ фæнды курортæй æрвылазон фæлладуадзæн бынат саразын. Программæ снысан кодтой 2030-æм азмæ. Регионы разамонæг ма хатдзæгтæ скодта ивгъуыд азæн æмæ радзырдта фидæнмæ нысанты тыххæй. Тагъд рæстæджы та республикæ бавналдзæн аэропорт “Дзæуджыхъæу”-ы зæронд терминалы рацарæзтмæ. Уыдзæн нырыккон сектор æппæтадæмон рейсытæ чи исдзæн æмæ æрвитдзæн, ахæм. Ныхас ма цыд Стыр Уæлахизы 80-азы боны мадзæлттыл. Сергей Меняйлойы ныхæстæм гæсгæ, цæттæгæнæн хъуыддæгтæ ныридæгæн райдыдтой. Республикæйы ма арæзт æрцæудзæн акци “Посмотри на их лица”, Стыр парад æмæ патриотон мадзæлттæ.