2021-æм азæй 2023-æм азы онг рæстæмбисæй 128 хъæууонхæдзарадон товаруадзæгæн æрвылаз лæвæрдтой, æппынкъаддæр, субсидийы дыууæ хуызы. Уыцы рæстæгмæ иу амалхъом иста æхцайы æххуысы 7 хуызæй фылдæр. Бæрæггæнæнтæ парламенты советы æмбырды фехъусын кодта контролон-нымайæн палатæйы аудитор Созиты Алан. Бæрнады æркастысты гранттæ æмæ субсидитæ дæттыны куыстмæ æмæ æмæ дзы рабæрæг кодтой фæткхæлдтытæ. Хъæууон хæдзарады министрадæн радтой амынддзинæдтæ, цæмæй æххуыс нысан кæныны хъуыддаг банывыл кæной фидаргонд домæнтæм гæсгæ.
Парламентаритæ ма байхъуыстой контролон-нымайæн палатæйы иу аудиты тыххæй хъусынгæнинагмæ. Баст у социалон къабазы паддзахадон æмæ муниципалон домæнтæн хъæугæ товартæ æмæ лæггæдтæн фæрæзтæ нысан кæнынимæ. Цæстдарæн мадзæлттæ ацыдысты 15 ахуырадон кусæндоны. 2023-æм азы хъæугæ дзаума балхæдтой 266 млн сомæн. Ныхас цыд æндæр фарстатыл дæр.
