“Ирыстоны æхсар”-ы программæйыл æрдзырдтой вице-премьер Платы Альбинæйы разамындæй æмбырды. Йæ æххæст кæныны æппæт къæпхæнтæ дæр оргкомитеты уæнгтæ бæстонæй равзæрстой.
Курдиæттæ ныридæгæн балæвæрдтой 200 адæймагæй фылдæр. Программæйы архайын кæй фæнды, уыдоны фæрстытæн дзуаппытæ ратдзысты “Фыдыбæстæ хъахъхъæнджыты” фонды специалисттæ, кæнæ социалон лæггæдты комплексон центрты кусджытæ.
Уый фæстæ хъæудзæн æмныхас æмæ тест ацæуын. Хатдзæгтæм гæсгæ фæлтæрдджын эксперттæ сбæрæг кæндзысты ахуырадон программæйы архайджыты. Райдайдзæн августы астæу. Организацион комитеты уæнгтæ фыццаджыдæр кæсынц, цæмæй алы адæймаг дæр бамбара æппæт домæнтæ. Платы Альбинæ ма иу хатт æмбырды архайджыты зæрдыл æрлæууын кодта, ахсджиаг куыст кæй кæнынц æмæ йæм куыдфæндыйы цæстæй кæсæн кæй нæй.
