Республикæйы хицауады сæрдар Тускъаты Таймураз дарддæр бæрæг кæны социалон объектты арæзтад Дзæуджыхъæуы æмæ республикæйы районты.
Абон бабæрæг кодта ирон аргъуан. Уым ногæй ивынц канализацион системæ. Агуыридурæй амад къултæ та йын сног кæндзысты раздæры историон хуызмæ гæсгæ. Куыстытæ æххæстгонд цæуынц Аланийы аргъуыды 1100 азы бæрæгбонмæ. Проектмæ гæсгæ бæстыхаймæ нæ бавналдзысты. Уæмæй уæлдай ма премьер фыццаг хатт бабæрæг кæндзæн Хохы Санибайы фелшырон-акушерон пункты арæзтад. Беслæны та фендзæн сывæллæтты ног рæвдауæндоны арæзтад. Уыдзæн дзы 230 бынаты.
Программæмæ гæсгæ Тускъаты Таймураз æркæсдзæн республикæйы æндæр социалон объекттæм дæр.
