Республикæйы æфтиæгты бæрц афæдзы фыццаг кварталы сты 11 млрд 87 млн сомы. Хæрдзтæ – 271 млн сомы фылдæр. Хъалоны æфтиæгтæ — 4 млн соммæ ‘ввахс, 6 млрд æмæ 8 милуаны та нысан кæнынц æвиддон æфтиæгтæ. Уый тыххæй Парламенты советы æмбырды фехъусын кодта бюджет, хъалонтæ, исбонад æмæ кредитон куыстуæтты фæдыл комитеты сæрдар Хæдарцаты Аслæнбег. Йæ ныхæстæм гæсгæ, бæрæггæнæнтæ сты æнтыстджын, фæлæ ма хыгъдлæвæрдыл хъæуы бакусын.
Ныхас ма цыд “О семейной политике”, зæгъгæ, республикон закъоны ивддзинæдтыл. Уырдæм бахастой бирæсывæллонджын бинонты ном æмæ æххуысы мадзæлтты хыгъд снысан кæныны хъуыддаг.
