1-æм октябрæй уадзæн пункт “Уæллаг Ларс”-мæ бацæуыны фæдыл бон æмæ рæстæг бацахсыны тыххæй федералон системæйы куыстыл Сергей Меняйло æрдзырдта видеобастдзинады фæрцы.
Æмбырды архайдтой дзуапдæттæг ведомствæты разамонджытæ. Бæстон ныхас цыд электронон рады системæйыл. Нысангонд цæуы, цæмæй фыдæр хæдтулгæтæ æнæ къуылымпыйæ хизой Гуырдзыстонимæ арæны сæрты. Ног процедурæйы æххуысæй аиуварс кæнинаг сты рæстæгæй-рæстæгмæ уадзæн пункты цы стыр рад сæвзæры, уый.
Сергей Меняйло куыд фæнысан кодта, афтæмæй “Уæллаг Ларс”-ы уылты транзитон транспорты цыд снывыл кæнын Цæгат Ирыстонæн ахсджиаг фарста у. Уый тыххæй республикон æмæ федералон хицауады уæнгтæ хъуамæ иумæйагæй архайой. Хъæуы удæнцой уавæртæ саразын куыд уæзласæн машинæтæн, афтæ бæлццæттæн дæр.
