Цæгат Кавказы хæстон институты 800 рауагъдоны бабæрæг кодтой Барбашовы фæз. Семæ æрбацыдысты уæлдæр ахуыргæнæндоны кусджытæ, ахуыргæнджытæ æмæ бирæ кадджын уазджытæ. Акци баст уыдис Уæлахизы бонимæ.
Мемориалон комплексмæ чи æрбацыд, уыдонæн арфæ ракодта Уæрæсейы мидхъуыддæгты раздæры министр Анатолий Куликов. Йæ ныхæстæм гæсгæ, мадзал у тынг ахсджиаг – æрыгон фæлтæр хъуамæ ма рох кæна фыдыбæстæйы хæсты хъæбатырты. Уый фæстæ æрбацæуджытæ дидинджытæ сæвæрдтой Петр Барбашовы цыртдзæвæныл, уазджытæн та мемориалыл сарæзтой экскурси. Раздæр куыд хъусын кодтам, афтæмæй хæсты историйы мемориалон комплекс “Барбашовы фæз” байгом кодтой Уæлахизы боны кадæн.
Саив æй кодтой республикæйы мидхъуыддæгты министрад нæ республикæйы сæргълæууæг Битарты Вячеславы хъæппæрисæй.
