Хиды сæрты ахизын абон æдас у æви нæ? Уыцы фарстайæн дзуапп бирæтæн раттын сæ бон нæу. Кировы уынджы хидыл адæм цы фæндаджы уаддзаджы сæрты хизынц, уымæн бонæй-бонмæ йæ пайда кæныны æмгъуыд фæуд кæны. Хидæн йæхи быцæутыл дæр згæ тых кæнын райдыдта. Æдас у фæндаггон змæлды архайджытæн æви нæ, уый базыдта не сфæлдыстадон къорд.
Хæрзæрæджы интернеты фæзынд Кировы уынджы хиды иуæй-иу хæйттæ змæлын кæй райдыдтой, уый тыххæй видеоæрмæг. Сты цыбыр рæстæджы размæ кæмæ базылдысты, уыдон. Бæрнон ведомствæйы куыд зæгъынц, афтæмæй фарон фæндаджы уæлцъар ивгæйæ, хиды згæ хæйттæ нæ баивтой.
Цалцæггæнæн куыстытæ цыдысты фарон уалдзæджы. Аивтой фæндаджы æмæ тротуарты уæлцъар. Ууыл сæ куыст фæци. Фæлæ специалисттæ зæгъынц – бакусын ма бирæфарстатыл хъæуы. Хиды æфсæн хæйттæ рагæй сты базилинаг. Бæллиццаг уавæры кæй не сты, уымæ гæсгæ сæ тæссагыл дæр банымайæн дæр ис. æвæстиатæй сæм базилын хъæуы.
Хиды бындурон цалцæггæнæн куыстытæ уыдысты ивгъуыд æнусы 40-æм азты .Уæдæй фæстæмæ йæм иунæг хатт дæр бындуронæй нал базылдысты. Уæвгæ йыл цæуæн ис. Фæлæ цас фаг суыдзæн?! Кæд уавæр тынг тæссаг нæу, уæддæр фæстиат кæнын нæ хъæуы. Хид афоныл банывыл кæнын – адæмы æдасдзинад у.
