Инфаркт, инсульт, кæнæ зæрдæйыл æмæ дадзинтыл операци чи скодта, уыцы рынчынтæн дæтдзысты фылдæр хостæ амбулаторон дзӕбæхгæнæн мадзæлтты фæстæ сæ стационарæй куы рафыссой, уæд.
Ахæм бардзырды проект равæрдтой Æнæниздзинад хъахъхъæнынады министрады барадон инфармацийы порталы. Ныртæккæ цæуы æхсæнадон æркæстытæ. Ныридæгæн хосты хыгъды цы 23 препараты ис, уыдоныл ма фæнд кæнынц 8 бафтауын, зæрдæйы æмæ дадзинты низтæ кæмæ ис, уыцы адæмæн хъæугæ чи сты, ахæмтæ. Ацы мадзалы руаджы ма уæлæмхасæн дзæбæхгæнæн мадзæлттæ аххæсдзысты 172 мин пациентыл æрвылаз.
