Уæрæсейы хъахъхъæнынады министр Сергей Шойгуйæн саккаг кодтой Цæгат Ирыстоны кадджын цæрæджы ном.
Сæрмагонд нысан æмæ æвдисæндар министрæн радта республикæйы сæргълæууæг Битарты Вячеслав. Фембæлд уыд Уæрæсейы хъахъхъæнынады разамынды Националон центры. Сергей Шойгу стыр æвæрæн бахаста Хуссар Ирыстоны уавæр 90-æм азты фæхуыздæр кæнынмæ.
Æнæнхъæлæджы уавæрты министрады руаджы быцæуы зонæйы бирæ азты дæргъы уыди æдас. Сабырдзинад æмæ нациты ‘хсæн ахастдзинæдтæ фидардæр кæнынæн хъæугæ мадзæлттæ арæзт цыдысты. Сергей Шойгу ма стыр æххуыс кæны Цæгат Ирыстоны рæзгæ фæлтæры æфсæддон-патриотон хъомылад æмæ регионы æфсæддон инфраструктурæйы рæзтæн.
