Уæрæсейы хицауад фæуæрæхдæр кодта ахуырадон кондадтæн æххуысы программæ. Ныр нæ бæстæйæ гранттæ исыны бар фæзынд электрон промышленность æмæ робототехникæйы индустрийы къабæзты специалистты чи цæттæ кæны, уыцы центртæн. Раздæрау паддзахадон æххуыс хæццæ кæндзæн кусджыты 16 сæйраг къабæзтæн чи цæттæ кæны, уыдонмæ. Се ‘хсæн хъæууон хæдзарад, металлурги, арæзтадон, атомон æмæ химион къабæзтæ, информацион технологитæ.
Уæ зæрдыл уын æрлæууын кæндзыстæм, ивгъуыд аз кусын райдыдтой 71 кластеры. Федералон бюджетæй сын радих кодтой 7 миллиард сомы. Уый бæрц сын рахай кæндзысты ацы аз дæр. Æххуысы ‘руаджы сараздзысты ахуырадон кондадты 70 центры. Уым цæттæ кæндзысты экономикæйы къабазæн йæ куыст хорз чи зоны, ахæм специалистты.
