Уæрæсейы хицауад туаггуыры концентраттæ балхæнынæн рахай кодта 650 милуан сомæй фылдæр. Æхцайы фæрæзтæ адих кæндзысты 20 регионыл. Се ‘хсæн Цæгат Ирыстон. Бардзырд бафыста Премьер Михаил Мишустин.
Æхцайы фæрæзтæй цы аппараттæ балхæндзысты, уыдонæй дзæбæх кæндзысты ковид-пациентты. Сæрмагондæй дохтырты сифтонг кæндзысты улæфæн аппараттæй.
Алы субъект дæр райсдзæн фæйнæ 32 милуанæй фылдæр. Хицауады сæрдары ныхæстæм гæсгæ, регионты разамынд хъуамæ бæстондæр кæса медицинон кусæнгæрзты уавæрмæ.
