Цæгат Ирыстонмæ æрбахæццæ спортсменты радон къорд. Уыдон архайдзысты Европæйы турниры боксæй æрыгæтты `хсæн. Ацы хатт Дзæуджыхъæуы аэропорты æрбадт Уæрæсейы иугонд командæимæ хæдтæхæг.
Се ‘хсæн ис Цæгат Ирыстойнаг боксер Абайты Алан дæр. Уый ацы ерысты уыдзæн ирон боксы скъолайы иунæг минæвар. Ацы рейсæй ма нæ республикæмæ стахтысты 6 бæстæйы иугонд командæтæ. Се ‘хсæн Болгари, Греци, Итали, Серби, Словаки æмæ Шотландийы боксертæ. Абон ма Цæгат Ирыстонмæ ссæудзысты дыууæ бæстæйы минæварады – Гуырдзыстоны æмæ Турцийæ.
Не сфæлдыстадон къордæн бантыст Уæрæсейы иугонд командæйы тренер Николай Хромовимæ аныхас кæнын. Куыд зæгъы, афтæмæй нæ спортсментæ сæхи хорз бацæттæ кодтой.
