Уæрæсейы статистикæйы службæйы кусджытæ та адæмы дисы бафтыдтой. Уæлдайдæр медицинон къабазы чи фæллой кæны уыдоны. Бæрæггæнæнтæм гæсгæ, кæд æмæ дохтыртæн сæ мызд чысылыл нымад у, уæддæр дам рæзы. Уыимæ ма тагъд. Снысан кодтой 2018 азы иу сахаты куыстæн адæмæн æхца цас фидынц, уый.
Афтæмæй æппæты фылдæр мызд исынц нефть æмæ газы куысгæнæн къабазы кусджытæ. Сахатмæ бакусынц 793 сомы. Иу мæймæ та уый у 130 мин сомы. Стыр мызд ма рабæрæг тамакоуадзæн къабазы кусыджтæм: уыдон иу сахаты куыстæн исынц 739 сомы. Уый та, мæмæ – 121 мин сомы у. Статистикæмæ гæсгæ ма мызд фæфылдæр æнæниздзинадхъахъхъæнынады къабазы дæр. 2017 азимæ абаргæйæ, 1 сахаты куыстже, дам, сæ мызд фæфылдæр 23%, ома 260 сомы онг. Уый хынцгæйæ, медицинон кусджыты мæйы мызд у 43 мин соммæ ввахс. Уымæй уæлдай ма, Уæрæсейы статистикæйы службæ сбæрæг кодта, æмткæй нæ бæстæйы 1 сахаты куыстæн æхца цас фидынц уый – 332 сомы. Уый 2017 азимæ абаргæйæ 11 проценты у фылдæр. Экспертты хъуыдымæ гæсгæ, тагъд рæстæг ма, мыздты бæрц фæфылдæр уыдзæн ахæм къабæзты, куыд нымæцон технологитæ, биоинженери æмæ энергетикæ.
