Скъолайы бон ам райдайы хуымæтæг хуызы — дзӕнгӕрӕгӕй, сывӕллӕтты худтӕй ӕмӕ фыццаг уроктӕй. Ӕрмӕст ныр бынтон ноггонд бынаты. Бындурон цалцӕджы фӕрцы Урсдоны скъола йæ хуыз фæивта: кълӕстӕ фӕрайдзаст сты, тыргътӕ та – уӕрӕхдӕр.Чысыл хъӕууон скъолайӕн ацы ивддзинӕдтӕ сты уӕлдай ахадгӕ. Кусæндон 20 азӕй фылдӕр нӕ цалцӕг кодтой. Бæстыхай хъуыд сног кæнын — мидӕггаг агъуыстытӕй инженерон коммуникациты онг. Ам баивтой хъармгӕнӕн, дондзæуæн ӕмӕ электрон тыхы системӕтӕ. Уымӕй уӕлдай ма снывыл кодтой бæстыхайы æддаг бакаст дæр.
Урсдоны скъолайы ахуыр кӕны 62 сывӕллоны. Ацы ран фæсивæд бирӕ рӕстӕг ӕрвитынц. Ахуыргӕнджытӕ ӕмӕ ахуырдзаутӕ сӕхӕдӕг куыд зæгъынц, афтӕмӕй ахуыртæ ног уавӕрты цӕуынц бирӕ ахадгӕдӕр.
Урсдоны скъолайы бындурон цалцӕг скодтой национ проект “Фӕсивӕд ӕмӕ сывӕллӕттӕ”-йы фӕлгӕты. Ныртӕккӕ ам рӕстӕгмӕ ахуыр кӕнынц сыхаг Сындзыхъӕуы фӕсивӕд дӕр – се скъола дӕр цалцӕг кӕныны фæдыл æхгæд у, ногдзинæдтæм ӕнхъӕлмӕ кӕсы.
Цы куыстытӕ бакодтой, уыдоны фӕрцы бæстыхайæн æрмæст йæ æддаг бакаст нæ фæивта. Нырыккон уавӕртӕ ныр дзуапп дӕттынц ӕдасдзинады ӕппӕт домӕнтӕн дӕр.
