Вахтанговы номыл уырыссаг академион театры ацыд Михаил Лермонтовы пьесæмæ гæсгæ æвæрд «Маскарад»-ы премьерæ. Спектаклы фыццаг равдыст хъуамæ ацыдаид 30-æм октябры, фæлæ йæ, эпидемиологон уавæр хынцгӕйӕ, фæстæдæрмæ аргъӕвтой. Уымæ гæсгæ, зæгъæн ис, æмæ йæм аивадуарзыджытæ рагæй æнхъæлмæ кастысты.
Ахсджиаг ма у, 150 азы размæ дæр театр йæ дуæрттæ ацы спектаклæй кæй байгом кодта. Йæ режиссёр — Хъæрджынты Изæбеллæ. Ирд костюмтæ, цымыдисаг сюжет æмæ Суанты Валерийы кæфтытæ срухс кодтой театрӕн аргъгæнджыты зæрдæтæ.
