Зæрдæ дарæм

Æппæтуæрæсеон конкурс «ТЭФИ-регион»-ы кæронбæттæн мадзæлттæ ацы бонты цæуынц Самарæйы. А-изæр жюрийы уæнгтæ сбæрæг кæндзысты, Орфейы статуэткæ кæмæ æрхаудзæн, уыдоны. Архайджыты `хсæн – нæ телекомпанийы минæвæрттæ æмæ паддзахадон телерадиокомпани «Алани»-йы кусджытæ. Не `рвылбоны информацион программæ «Хабæрттæ» æмæ ирхæфсæн программæ «Лера Шарит» сты финалы. Телерадиокомпани «Алани» та жюрийы уæнгты размæ рахаста программæ «Вселенная в объективе», зæгъгæ. Дыууæ боны конкурсы архайджытæн телеуынынады хуыздæр дæснытæ кæсдзысты лекцитæ. Сæ зонындзинæдтæ не `вгъау кæнынц Кирилл Набутов, Александр Сладков æмæ Мария Ситтель. Æдæппæтæй финалы ис 60 куысты, 20 номинацийы. Уæ зæрдыл уын æрлæууын кæндзыстæм, финалистты октябры мæйы Краснодары кæй сбæрæг кодтой, уый. Тэфи-регион нымад у Уæрæсейы æппæты кадджындæр конкурстæй иуыл. Сарæзтой йæ 17-æм хатт.