Завод “Кристалл”-ы равдыстой сæ ног продукци – афтид уадзæг хæтæл сыгъдæг æнæ туаггуыр æрхуыйæ

Завод “Кристалл”-ы равдыстой сæ ног продукци – афтид уадзæг хæтæл сыгъдæг æнæ туаггуыр æрхуыйæ. Куыстуаты специалисттæ йæ базыдтой аразын. уый у донгъæд уазалгæнæн каналимæ æрхуыйæ хæтæл. Фæпайда дзы кæнынц промышленнон кондады. Раздæр-иу æй ластой фæсарæнтæй. Заводæн йæ бон у мæймæ 150 тоннæйы онг ахæм продукци уадзын. Уый та æгасæй дæр нæ бæстæйы фаг у. Абон куыстуат бабæрæг кодта республикæйы сæргълæууæг Сергей Меняйло. Йæ сæйраг директор Владимир Матюшкоимæ æркаст бæстыхай æмæ кусæнгарзмæ. Æрныхас кодтой заводы дарддæры рæзтыл. Куыстуат æнтыстджынæй рахызт тыхджындæр хъомысмæ. Йæ продукцийæ пайда кæнынц хъахъхъæныны æмæ радиоэлектронон промышленносты. Цæгат Ирыстоны разамонæг куыд радзырдта, афтæмæй августы кæронмæ завод “Кристалл”-мæ æрбахæццæ уыдзæн ног уæлæмхасæн кусæнгарз. Уый æруаджы дæр йæ хъомыс рæздзæн.