Сергей Меняйло фембæлд сæрмагонд æфсæддон операцийы чи фæмард, уыцы æфсæддонты бинонтимæ. Регионы разамонæг хъæбатырты хиуæттæн ракодта тæфæрфæс. Радта сын паддзахадон хæрзиуджытæ. Лæгдзинады ордентæй сæ амæлæты фæстæ хорзæхгонд æрцыдысты бæстæйы Президенты указмæ гæсгæ. Сергей Меняйло йæ раныхасы рæстæг фæнысан кодта, æфсæддонты бинонтæн республикæ дæрддæр дæр кæй æххуыс кæндзæн. Мадзалы ма бацархайдтой республикæйы фæллой æмæ социалон рæзты министр Айдарты Алинæ, республикæйы æфсæддон комиссар Владимир Скоморох, республикон фонд “Фыдыбæстæ хъахъхъæнджыты” директор Хетæгкаты Маринæ.
