Ног хъармгæнæн сезонмæ цæттæгæнæн куыстытæ цæуынц, куыд æмбæлы, афтæ. Уый тыххæй нæ республикæйы сæргълæууæг Битарты Вячеслав фехъусын кодта Уæрæсейы Хицауады сæрдары хæдивæг Виталий Муткойæн.
Ныхас цыдис интернеты бастдзинады фæрцы. Архайдтой дзы Цæгат Ирыстоны хицауады сæрдары хæдивæг Фадзайты Æхсарбег æмæ цæрæнуæтты-коммуналон хæдзарады министр Сохъуырты Альберт. Сæ ныхæстæм гæсгæ, республикæйы алы районы дæр архайынц оперативон штабтæ. Куыстытæ куыд цæуынц, уымæ сæ цæст дарынц. Уымæй уæлдай ма зымæгмæ цæттæдзинадмæ хъус дары республикæйы уагдæтты `хсæн къамис. Ныридæгæн сцæттæ кодтой 163 хъармгæнæн, дондзæуæн æмæ электрон хызæджы. Уый тыххæй бахардз кодтой 120 милуан сомы.
Виталий Мутко куыд загъта, афтæмæй Цæгат Ирыстоны ног хъармгæнæн сезонмæ цæттæдзинад иннæ регионтæй цауддæр нæу. Æмткæй райсгæйæ та, Уæрæсе 70%-æй фылдæр цæттæ у зымæгмæ.
