Уæрæсейы гриппæй рынчынтæ фæфылдæр уыдзысты фæззæджы æмбисы. Уый тыххæй дзыллон информацийы фæрæзтæн фехъусын кодта паддзахады фæлхасадон цæстдарды разамонæг Аннæ Попова.
Æнæниздзинад хъахъхъæнынады æппæтдунеон организацийы бæрæггæнæнтæм гæсгæ, грипп æрвылаз йæ быны скæны 5 милуан адæймаджы бæрц. Сæ цардæй уый тыххæй ахицæн вæййынц сæдæгай мин адæймæгтæ. Аннæ Поповайы хъусынгæнинагмæ гæсгæ, 1-æм сентябрмæ регионтæм арвитдзысты æнæмæнг хъæугæ вакцинæты 50 проценты. Уæвгæ та, тæккæ фылдæр гриппæй низджын адæмы нымæц бавæййы январæй мартъийы `хсæн.
