Кæсæг-Балъарæй, Хъæрæсе-Черкесси æмæ Мæхъæлы республикæтæй. Кванториумы специалисттæ сын сараздзысты дæсныйад æвдисæн ахуыртæ.
Афæлгæсдзысты цалдæр къабазыл – аэро, гео, ифонрмацион технологитæ, робототехникæ æмæ æндæртыл. Уый фадат ратдзæн фидæны ахуырыдон системæйы нырыккон технологитæй пайда кæнын фæтк ныффидар кæнын. Бæлвырддæр дзургæйæ – раргом кæндзысты проектон куысты сусæгдзинæдтæ. Технопарчы директоры хæдивæг Завен Хачатуряны ныхæстæм гæсгæ, ахæм ахуырты нысан у – зондамонджыты ахаст ноджы хуыздæры`рдæм аивын æмæ афтæмæй рæзгæ фæлтæримæ кусын.
Уыимæ ма тагъд чысыл горæтты æмæ хъæуты скъолаты байгом кæндзысты сæрмагонд центртæ. Точка Роста, зæгъгæ. Уым та сывæллæттæн уыдзæн гæнæнтæ нымæцон æмæ технологон наукæтæ ахуыр кæнын. Центртæ байгом кæндзысты ахуырады национ федералон проекты фæлгæты, Уæрæсейы 50 регионы. Æдæппæтæй 2 мин центрæй фылдæр. Цæгат Ирыстоны дзы уыдзæн 17.
