Цæгат Ирыстоны цæрджытæн сæ 89 æмæ рдæг % ирон æвзаг хорз кæй зонынц, ахæм хъуыдыйыл хæст сты. Бæрæггæнæн снысан кодтой нæ республикæйы ныцион ахастдзиæндты фарстаты фæдыл министрад цы сойиалон иртестытæ сарæзта, уый фæлгæты. Сæрмагонд æрфаст сарæзтой Дзæуджыхъæуы æмæ республикæйы алы районы дæр. Фарстой алыхуызон дæстыйы хæст адæймæгты – инженерты, ахуыргæнджыты, медицинон кусджыты, фермерты, æфсæддонты, пъæлицæйæгты æмæ афтæ дарддæр. Æдыппæтæй 800 адæймаджы, 18 азæй фылдæр кæуыл цæуы, уыдоны.
Сæ фылдæр, уый 72% фылдæр, фарстайæн: иронау дзурут æви нæ, зæгъгæ дзуапп радтой хорз æмæ æнцонтæй кæй дзурынц. Чысыл къуыхцытæ чи кæны æмæ ма уырыссаг дзырддæй пайда чи кæны, уыдон та сты 17%. Уый хынцгæйæ, руыдысты ахæм уынаффæмæ – нæ республикæйы цæрджытæй 89% фылдæр ныфс дарынц иронау дзурын сæ бон кæй у, уый. Тыххæй чи дзуры иронау уыдон сты 4%. 5% та æмбарын, фæлæ нæ дзурын чи фæзæгъы, ахæмтæ сты. Æппындæр чин æ зоны йæ мадæлон æвзаг, ахæмтæ сты 1 æмæ рдæг %. Æнæмæнг фæбæрæг кæнын хъæуы уый æмæ фылдæр иронау дзурынц республикæйы районты. Дзæауджыхъæуимæ абаргæйæ сты зынгæ фылдæр. Уæдæ иронау фыссынмæ йæ ныфс чи хæссы, ахæмтæ дæр районты фылдæр ис.
Æрфарсты ма сбæрæг кодтой, чингуытæ æмæ газеттæ ирон æвзагыл чи уæсы, уыдоны нымæц дæр. Куыд рабæрæг, афтæмæй кæй бафарстой, уыдонæн сæ фылдæр ууыл сæ рæстæг нæ сафынц. Уæлдай дæр æрыгæттæ. Æрмæстдæр 2%-æй фылдæр цы радзырдтæ кастысты иронау, уыдонмæ ногæй се*ргом аздахынц. Зонынц æмдзæвгæтæ дæр. 17% алыбондæр кæсынц ирон литаратурæ. Фысджыты нæмттæ дæр зонынц. Фæлæ уæддæр фылдæры уыдæттæ цымыдис нæ кæнынц.
Уæдæ теартæм æмæ музыкалон равдыстытæм дæр, иртæстытæ куыд равдыстой, афтæмæй, адæм нæ тырнынц. 40%-мæ ввахс адæмæй ирон театрмæ искуы иу хат бахауынц. 35 та уæвгæ дæр никуы. Ирыстоны культурæ æмæ историйы музейтæм цæуыны тыххæй дæр, ахъуды гæнгæйæ, ницы зæгъæн ис. 55%-æй фылдæр ахæм бынæтты никуы уыдысты. Æмæ æрмæст 3 процентмæ хæстæг музейты вæййынц арæх.
Хорз уавæры сты телеуынынады æмæ радиойы программæтæ ирон æвзагыл. Æрфарст куыд амоны, афтæмæй сæм 36% арæх кæсы. Ахæм бæрæггæнæнтæ дисы бафтыдтой национ ахастдзинæдты фарстаты фæдыл министр Цуциты Асланы. Йæ ныхæстæм гæсгæ, ахсджиаг у ирон æвзагмæ ахæм æргом кæй здахынц республикæйы цæрджытæ, уый. Куыд фæбæрæг кодта, афтæмæй фылдæр æвзагæй пада кæнын райдыдтой социалон хызты дæр. Ахæм иртæстытæ ныр фæнд кæнынц алы аз дæр аразын. Мах дæр ахæм бæрæггæннæтæ сцымиыдис кодтой. Нæ райсомы программæйы ма ацы темæмæ раздæхдзыстæм. Фæнд кæнæм нæхи æрфасрт дæр саразын. Цы дзы рауайдзæн, уый уын æвдисдзыстæм.
Иронау дзурыс?
89,5% – ирон æвзаг хорз зонынц
17,2% – къуылымпытимæ
4,0% – тыххæй дзурынц
5,0% – æмбарынц, фæлæ нæ дзурынц
1,5% – æппындæр нæ дзурынц
Чингуытæ æмæ газеттæ иронау кæсут?
2,3% – кæсынц
17,4% – арæх кæсынц
45,4% – искуы иу хат
34,9% – никуы
Ирон теартæм æмæ музыкалон равдыстытæм цæут?
39,5% – искуы иу хат
35,7% – нæ вæййынц
