83 азы размӕ фæцис Кавказыл тох. Уый сси Фыдыбӕстӕйы Стыр хӕсты дӕргъвӕтиндӕр ӕмӕ уæззаудæр хӕстытӕй иу. Сергей Меняйло йæ социалон хызты куыд фæнысан кодта, афтæмæй, Дзӕуджыхъӕумӕ бацӕуӕнты советон ӕфсӕдтӕ ӕрурӕдтой знаджы ныббырст, Кавказы йӕ дарддӕр ацӕуын нӕ бауагътой. Сырх ӕфсады ӕнтыст фæсаста знаджы фæндтæ регион байсыны тыххæй æмæ сси Стыр Уæлахизмæ фæндагыл ахсджиагдæр къæпхæн. 9-ӕй 10-ӕм октябрьмӕ Дзӕуджыхъӕуы ацæудзысты мысæн мадзæлттæ: фестиваль «Битва за Кавказ: грани истории», зæгъгæ. Программæйы — тематикон равдыст Цæгат Ирыстоны хъахъхъæнынады фæдыл, спикерты раныхæстæ æмæ документалон хроникæ.
