Лӕцойты Зӕринӕ конкурсмæ йӕхи цӕттӕ кӕнын райдыдта сентябры. Ахуыргӕнӕгимӕ равзӕрста программӕ æмæ ныр алы бон дӕр репетици кӕнынц. Мыстулаты Иринæйы номыл æркастмæ нæ курдиатджын фæсивæд тынг фенхъæлмæ кæсынц. Се ‘хсæн — Джыккайты Артур дæр.
Цалдӕр азмӕ конкурсы географи зынгæ фæуæрæх. Ныр дзы архайынц Абхаз ӕмӕ Хуссар Ирыстоны артисттӕ дæр. Мадзаларазджытæ куыд зӕгъынц, афтӕмӕй ацы хаттæй фылдæр курдиæттæ никуы ма райстой.
Мадзаларазджытæ куыд зæгъынц, афтӕмӕй конкурс фылдæр арӕзт у ӕрыгон курдиӕттӕн. Алы архайӕгӕн дӕр йӕ бон у йӕ арӕхстдзинӕдтӕ равдисын.
Мыстулаты Иринӕйы бинонтӕ ахсджиагыл нымайынц, цӕмӕй ӕрыгон музыканттӕ сӕ зӕрдыл дарой, Цӕгат Ирыстоны культурӕ чи рӕзын кодта, уыцы адӕмы.
Курдиат бадæттæн ис 10-æм ноябры онг. Æмæ та 21-æмæй 23-æм ноябры онг æрыгон музыканттӕ ногæй сӕ курдиат равдисдзысты. Ирон фӕндырдзагъд та айхъуысдзӕн æгас Ирыстоныл.
