Цæгат Кавказы хæххон-металлургон институты æмæ профилон техникумты студенттæ цæттæ кæнынц Норильскмæ ацæуынмæ. Фæсивæдæн уый у хорз фадат фæлтæрддзинад райсынæн æмæ сæхи равдисынæн. Ӕдæппæтæй ацы аз республикæйæ ацæудзæн 500 адæймагæй фылдæр.
Фæствæд «Норникель»-ы цæуыл сахуыр уой, уый сæ фидæны куысты æнæмæнг бахъæудзæн. Цыппар мæйы дæргъы профессионалон архайды бæсты сæхицæн сбæлвырд кæндзысты: куыст адарддæр кæнын, кæнæ фæстæмæ Ирыстонмæ æрыздæхын. Сæйрагдæй та у, «Норникель»-ы цы фæлтæрддзинад райсдзысты, уый.
Ацы аз практикæмæ ацæудзæн 500 студентæй фылдæр. Се ‘хсæн Вячеслав дæр. Ацы залы Цæгат кавказы хæххон-металлургон институты студенттæй уæлдай æрæмбырд сты техникумты æмæ колледжты ахуыргæнинæгтæ. Арæзтадон къорды архайджытæ кæддæр уыдысты мадзалы уазджытæ дæр. Фæсивæды афæндараст кæнынмæ æрбацыд Сергей Меняйло.
Фыццаг хатт чи цæуы, уыдонæн ис сæ арæхстдзинад равдисыны фадат. Йæ фидæны дæсныйад ацы куыстимæ чи сбаста, уыдон та куысты ныллæудзысты. Ахæм студенттæн «Норникель»-ы кæддæриддæрбынæттæ вæййы. Уæлдайдæр та сæрдыгон. Уым Баскаты Хъазыбег йæ сæрд 4-æм хатт арвитдзæн.
Студенттæ бамбардзысты, фидæны сæ дæсныйадмæ гæсгæ сæ бон кусын суыдзæн æви нæ, уый. Архуыргæнджыты ныхæстæм гæсгæ, практикæйы фæстæ фæсивæд бирæ фæлтæрдджындæр свæййынц.
Фæндаггаг æмæ цæрæн бынæтты фарста куыстуат йæхимæ райсдзæн. Уæдæ хæргæ дæр компанийы хардзæй кæндзысты студенттæ. Арæзтадон къордтæ нæ республикæйæ Норильскмæ рагæй æрвитынц. Æмæ дзы кæд æндæр регионтæй дæр вæййы студенттæ, уæддæр Цæгат Ирыстоны къорд вæййы æппæтæй егъаудæр.
