25 æрыгон специалисты райстой нысанмæ паддзахадон æххуыс фæйнæ милуан сомы. 900 мин сомы – фыццаг æвæрæн бахæссынæн, 100 мин сомы та – процентон уæлæмхасæн бафидынмæ. Сæрмагонд æвдисæндартæ специалисттæ айстой республикæйы арæзтад æмæ архитектурæйы министр Моргауаты Константины къухæй.
Сæрмагондæй ацы программæйы бацархайынæн хъæуы хыгъды æрлæууын, кæм цæрыс, уым. Программæйы сæйраг нысан у – æрыгон специалистты цæрæнуæтты уавæр фæхуыздæр кæнын æмæ сæ республикæйæ афтæмæй ма ауадзын.
