8-æм июны Уæрæсейы бæрæг кæнынц социалон кусæджы бон

8-æм июны Уæрæсейы бæрæг кæнынц социалон кусæджы бон. Сæ профессионалон бæрæгбоны фæдыл сын арфæ ракодта республикæйы сæргълæууæг Сергей Меняйло. «Социалон æххуысгæнæджы куыст домы фӕразондзинад, бӕрнондзинад ӕмӕ адӕймаджы удуæлдай архайд. Алы бон дӕр вæййут ацӕргӕ адӕм ӕмӕ ветеранты фарсмæ, сæ бинонтӕ ӕмӕ сывӕллӕттӕм сын фæкæсут, балæуут сӕрмагонд æфсæддон операцийы архайджыты ӕмӕ йе ‘ нӕниздзинад хъыгдард кӕмӕн у, уыдоны цур. Социалон къабаз алкæддæр уыд республикӕйӕн сӕйрагдӕртæй иу. Дарддӕр дӕр æм нӕ хъус дардзыстӕм, специалисттæн æмæ паддзахады æххус кæй хъæуы, уыдонӕн аккаг фадӕттӕ араздзыстæм. Арфӕ кӕнын социалон къабазы кусджытӕн сӕ зæрдиаг куысты тыххӕй, куыдфӕндыйы цӕстӕй адæммæ кӕй нӕ кӕсынц ӕмӕ сӕ хъуыддагыл иузӕрдион кӕй сты, уый тыххӕй. Мӕ зӕрдӕ уын зӕгъы фидар ӕнӕниздзинад, фарн ӕмӕ амонд – сымахӕн ӕмӕ уӕ бинонтӕн,- загъта Сергей Меняйло.