90 рауагъдоны радтой иумӕйаг паддзахадон фӕлварӕн информатикӕ ӕмӕ информацион-технологон коммуникацитӕй фæлхатгæнæн хуызы. Фӕлварӕн лӕвӕрдтой 19 ноябры. Республикӕйы мадзал саразыны тыххӕй ахуырадон уагдӕтты бындурыл бацӕттӕ кодтой 6 пункты.
Ацы аз рауагъдонтӕ компьютерон хуызы иумӕйаг паддзахадон фӕлварӕн информатикӕ ӕмӕ информацион-технологон коммуникацитӕй арӕзт уыд фыццаг хатт. Уый руаджы дзуӕппытӕ бӕрӕг кӕндзысты федералон эксперттӕ. Ахуырад ӕмӕ наукӕйы министрады специалист Цӕрикъаты Анжелӕ куыд фӕнысан кодта, афтӕмӕй фӕлварӕн ацыд ӕнӕ къуылымпытӕй.
Рауагъдонтӕ 3 сахаты ӕмӕ 55 минутмӕ сӕххӕст кодтой 27 хӕслӕвӕрды. Мадзал ацыд ӕппӕт санитарон домӕнтӕ сӕххӕст кӕнгӕйӕ. Зӕгъын хъӕуы уый дӕр, ӕмӕ иумӕйаг паддзахадон фӕлварӕн информатикӕ ӕмӕ информацион-технологон коммуникацитӕй арӕзт уыд Уӕрӕсейы ӕппӕт субъектты дӕр.
