Коронавирусы тæссаг низæй чи фæрынчын æмæ стационарты æххуыс кæй хъæуы, уыдоны нымæц къаддæр кæны. Ныртæккæ рынчынтæн медицинон кусæндæтты ис 600 уæгъд бынаты. Эпидемиологон уавæры тыххæй æрдзырдтой оперативон штабы æмбырды. Сæрдариуæг дзы кодта Битарты Вячеслав.
Битарты Вячеславы ныхæстæм гæсгæ ахсджиаг у æххæстгæнæн æмæ цæстдарæн оргæнтæн, барадхъахъхъæнджытæн, уыимæ бынæттон хиуынаффæйады минæвæрттæн æмгуыст кæнын. Бабар кодта адæмæн уавæры тыххæй хуыздæр æмбарын кæнын. Кæд хицæн хæрæндæттæ æмæ дуканитæ кусын райдайдзысты, уæддæр хъæуы хи хъахъхъæнын æмæ æнæмæнг маскæтæ дарын.
