Цæгат Кавказы металлургон институты экологон кафедрæйы разамонæг Æлборты Иваны схорзæх кодтой Уæрæсейы сгуыхт экологы номæй. Бардзырд бафыста Уæрæсейы Федерацийы президент Владимир Путин. Профессор бирæ азты цæттæ кæны дæсны специалистты экологийы къабазы.
Æлборты Иван у Цæгат Ирыстоны наукæйы къабазы сгуыхт архайджытæй иу. Уæрæсейы уæлдæр ахуырады кусæг Æлборты Иван у Хæлардзинады ордены кавалер, уыимæ Уæрæсейы Æрдззонæн академийы академик.
