Нывгӕнджыты цӕдисы залы — дӕсгай ӕрбацӕуджытӕ. Абон равдысты ӕппӕт куыстытӕ æвдисынц Дзӕуджыхъӕуы рӕсугъддзинӕдтæ. Нӕ горӕты аивдзинад дӕсныты сразӕнгард кодта мæнæ ахæм цымыдисаг æмæ хъæрмуд нывтӕ кæнынмæ. Алыхуызон здæхтытæ – нывкӕнынад, графикӕ ӕмӕ декоративон аивад ӕмӕ стильтӕ – импрессионизм, реализм, романтизм. Ульяна Гончарова йе сфӕлдыстады уæлдай æргом здахы пейзажтӕ ӕмӕ архитектурӕмӕ.
Тематикон равдыст сарӕзтой архитектурӕйы азы фӕлгӕты. Алы дӕсны дӕр Цӕгат Ирыстонмæ кæсы йæхи цæстæнгасæй. Чидæр уыны чысыл, райдзаст кӕртытӕ зӕронд тыргътимæ. Иннӕтӕ – фидар мæсыг, куыд Дзæуджыхъæуы историйы райдиан. Нывгӕнджыты цӕдисы уӕнгтӕ – ӕрыгӕттӕ ӕмӕ фӕлтӕрдджындӕртӕ сӕ райгуырӕн зӕхмӕ уарзондзинад равдыстой алы куысты дӕр.
Равдыст бацæттæ кодтой республикӕйы арӕзтад ӕмӕ архитектурӕйы министрадимӕ иумӕ. Ныридӕгӕн æрбангом кодта дӕсгай аивадуарзджыты. Равдыст байгом кæныны фæдыл кадджын мадзалмæ сæмбæлдысты дӕснытӕ, дзуапдæттæг ведомствæйы минӕвӕрттӕ, уыимæ ма нывкæнынады училищæйы студенттæ.
