Дзæужыхъæуы сбæрæг кодтой, Сталинград фашистты къухæй куы байстой, уый 78-азы. Пионерты галуаны цур уый фæдыл сарæзтой флешмоб. Хæсты рæстæджы мелоди «Случайный вальс»-ы зæлтæ айхъуысты абон. Ныффыстой йæ Сталинграды тохы хæдфæстæ.
Йæ сюжет баст у æцæг цауимæ. Тæхæг Василий Васильев чызджы кафтмæ рахуыдта патефоны мелодимæ. Фæлæ сæ кафт кæронмæ нал ахæццæ. Перронмæ æрбахæццæ хæстмæ цæуæг поезд. Тæхæг ыл араст лæгæвзарæнмæ, фæлæ йыл адзал хинæй рацыд – тохы быдырæй фæстæмæ нал сыздæхт.
Акци сарæзта æппæтуæрæсеон адæмон фронт. Йæ нысан у Фыдыбæстæйы Стыр хæсты егъаудæр тохтæй иу æрымысын. Акци «Случайный вальс» ацыд æнæхъæн Уæрæсейы дæр.
