Цæгат Ирыстоны мыхуыр æмæ дзыллон коммуникациты комитеты сæрдар Фидараты Юрий журналисттæн радзырдта кусæндоны архайды тыххæй æмæ сæ размæ `вæрд хæсты тыххæй. 2021 аз январы рацыд «Алайнаг библиотекæ»-йы серийы 7 чиныджы. Тагъд рæстæджы мыхуыры рауадздзысты Абайты Васойы цыппартомон чиныг.
Ацы аз ма фæнд кæнынц Хуссар æмæ Цæгат Ирыстоны журналистты форум саразын дæр. Ивгъуыд азы уый коронавирусы тыххæй къухы нæ бафтыд. Республикæйы сæргълæууæджы уынаффæмæ гæсгæ ма комитеты бакуыстой журналистты уæлдæргæнæн ахуыртыл.
