Республикæйы æрыгон армионты рæнхъытыл бафтыд. Æрæфы районы скъоладзаутæ кадджын уавæры ард бахордтой. Æдæппæтæй 200 сывæллонæй фылдæр. Ныр фæсивæд кадимæ хæсдзысты æрыгон армионты ном.
Алкæддæр цæттæ уæвын æмæ раздзоджы миниуджытыл кусын. Æрæфы районы скъоладзаутæ æрлæууыдысты республикæйы æрыгон армионты рæнхъыты. Кадджын уавæры ард бахордтой 260 лæппуйы, 8 азæй 17 азы онг кæуыл цæуы, ахæмтæ.
Риуылдаргæ нысæнттæ æмæ æвдисæндæртæ райстой республикæйы ветеранты советы сæрдар Фриаты Хъазыбег, Уæрæсейы хъайтар Андрей Днепровскийы мад Татьяна Днепровская æмæ республикæйы фæсивæды хъуыддæгты фæдыл комитеты сæрдар Джусойты Русланы къухтæй. Ацы цау ахсджиаг канд фæсивæдæн нæу, фæлæ æгас районæн дæр.
Æрыгон армионтæн сæ боны фæтк нысангонд у. Иу уæгъд минут дæр сын нæй. Æфсæддон хъуыддаг базонын у бæрнондæр хæслæвæрдтæн сæ иу хай. Лæппутæ æдзух архайынц алыхуызон мадзæлтты. Республикæйы культурон æмæ спортивон царды, æххуыс кæй хъæуы, уыдоны фарсмæ барвæндæй æрбалæууынц. Сæйрагдæр та уый у, æмæ свæййынц æцæг лымæн къорд «Юнармия», зæгъгæ.
Фыдыбæстæ уарзын, зонын æмæ йын йæ историйæн аргъ кæнын. Æрыгон æфсæддонты девиз — патриот уæвын.
Фыццаг æрыгон æфсæддонтæ республикæйы фæзындысты æртæ азы размæ. Абон та сты 18 минæй фылдæр.
