Горæт аразыны политикæйы муниципалон æмæ республикон хицаудзинады ахастдзинæдтæ иуæй-иу хъуыддæгты чи бæлвырд кæны, уыцы закъон ист æрцыд.
Ныр уыдон хаудзысты, комкоммæ республикæйы сæргълæууæгæн дзуапп чи дæтдзæн, архитектурæ æмæ горæт аразыны уыцы комитетмæ. Закъоныл схъæлæс кодта парламенты депутаттæн сæ фылдæр. Уымæй уæлдай ма, цæгат Ирыстоны ныффидар кодтой «Республикæйы сгуыхт журналисты» ном. Нырмæ, журналистты хорзæхджын кодтой «культурæйы сгуыхт кусджыты» номæй.
Депутаттæ ма æрдзырдтой бюджеты закъоны тыххæй.Нысангонд дзы ис, республикæйæн федералон бюджетæй 14 милиард сомы кæй радых кæндзысты. 9 милиард сомæй фылдæр – дотациты хуызы. 3 миллиарды та – субсидитæ. 1 миллиард æмæ 800 миллион сомы бахардз кæндзысты фæндаггон хæдзарадыл. 635 милуан момы радих кæндзысты республикæйы экологон уавæр фæхуыздæр кæнынæн.
Уыимæ ма, финансты министры фыццаг хæдивæджы хæстæ æххæстгæнæг Дзæгъойты Аланы ныхæстæм гæсгæ, къаддæр кæны паддзахадон хæсы бæрц дæр. Кæд фарон азимæ абаргæйæ хъалонтæ æмæ æндæр фиддонтæй 120 проценты уыд, уæд ныр уыцы бæрггæнæн у 80 проценты. Йæ фæкъаддæр кæныныл дарддæр архайдзысты. Сидзæр сывæллæттæн – хæдзæрттæ саразыны программæйæн иннæ азмæ радих кæндзысты 72 милуан сомы. Ныртæккæ рады лæууынц 1300 адæймаджы. Се`ппæтæн дæр цæрæн бынæттæ саразын республикæйы фæрæзтæ фаг нырма нæ кæны. Уымæй уæлдай ма паралменты уæнгтæ æрдзырдтой фидæны аз ног федералон прграммæты тыххæй дæр.
