Æххуысцух æмæ бирæсывæллонджын бинонты фарсмæ æрбалæууын. Ахæм нысанимæ æрвылаз фыццæгæм сентябры агъоммæ ацæуы акци “Бацæттæ кæн сывæллоны скъоламæ”.
Зын уавæрты чи бахауд, уыдонæн баххуыс кæнын бирæты бафæндыд. Мадзал расидтысты хæрзаудæн фонд «Быть добру»-йы. Бархионты фарсмæ æрбалæууыдысты дуканиты хыз «Канцтоварищ» æмæ центр «Мой бизнес». Ам скъоладзаутæ, се ‘хсæн фылдæр — фыццæгæмкъласонтæ, райсынц хызынтæ, уæлæдарæс, къахыдарæс, тетрæдтæ, фыссæн, нывгæнæн æмæ æндæр дзауматæ. Æдæппæтæй абон лæвæрттæ райстой 100 ахуырдзауы.
Акци цæуы ныр 10 азы дæргъы, аххæссы æгас республикæйыл. Афæдзмæ æххуыс райсынц 2 мин бинонтæй фылдæр. Хæрзаудæн фонд «Быть добру» æмæ центр «Мой бизнес» ма иумæ æххæст кæнынц социалон проект «Вешалка добра». Ардæм се ‘ххуысы хай бахæссынц хуымæтæг æмæ амалхъом адæм, стæй æхсæнадон архайджытæ.
