Абон Дзæуджыхъæуы райдыдтой республикон ерыстæ уæгъдибар хъæбысхæстæй юниорты ‘хсæн. Советон Цæдисы сгуыхт тренер Андиаты Сергейы номыл чемпионат арæзт æрцæуы æрвылаз 2003-æм азæй нырмæ.
Ацы хатт сæ тыхтæ æвзардзысты 200 богалæй фылдæр. Уыдон сты алы районты минæвæрттæ. Сæ уæзтæм гæсгæ хæццысты 10 категорийы. Хæтдзæгтæм гæсгæ сбæрæг уыдзæн нæ республикæйы иугонд командæ. Уыдон дарддæр архайдзысты Цæгат Кавказы федералон зылды чемпионаты Налцыччы. Уый фæстæ та арæзт æрцæудзæн Уæрæсейы турнир юниорты ‘хсæн. Абон сбæрæг сты уæлахиздзаутæ 6 категорийы. Райсом та – иннæ цыппар уæзы ‘хсæн.
