Уымæн аххосаг – шофыртæ нозтджынæй кæй скъæрынц хæдтулгæ, уыимæ мæ ма æнæ баррдæттæг гæххæтытæй. Фæндæгтыл æдасдзинады хъуыддæгты фæдыл кординацион æмбырды радзырдта паддзахадон автоинспекцийы Цæгат Ирыстоны управленийы разамонæг Хуадонты Айвар.
Æмбырдæн разамынд лæвæрдта республикæйы сæргълæууæг Битарты Вячеслав. Куыд бафиппайдта, афтæмæй хъуыддаг аиуварс кæныныл хъæуы бæстонæй бакусын. Хицауады уæнгтæ æмæ мидхъуыддæгты министрады кусджыты æмгуыстады руаджы. Федералон фæндæгтыл цы видеоцæстарды камерæтæ лæууы, уыдон хъуамæ хицауады уæнгтæ бакæной республикæйы бæрны.
Æмбырды ма дзырдтой фыдракæндты ныхмæ профилакттикон куысты тыххæй дæр. Прокуратурæйы хъусынгæнинагмæ гæсгæ 2018 азы 2017 азимæ абаргæйæ фыдракæндты нымæцыл бафтыд.
Уымæй уæлдай ма се `ргом аздæхтой экологийы фарстатæм. «Электроцик» кæй сæхгæдтой уый республикæйы уæлдæфыл хуыздæры `рдæм фæбæрæг. Уый тыххæй фехъусын кодтой республикæйы æрдзон æвæрæнтæ æмæ экологийы министрадæй.
