Цæгат Ирыстоны паддзахадон автоиспекцийы кусджытæ фæндаггон фæткы домæнты тыххæй дарддæр æмбарын кæнынц сывæллæттæн. Сæрды каникулты рæстæг æдасдзинады лаборатори йæ куыст нæ бауырæдта. Ацы хатт инспектортæ профилактикон мадзал сарæзтой «Тæмисчъы» лагерьы цы сывæллæттæ улæфы, уыдонæн.
Сабиты зæрдыл æрлæууын кодтой фæндаджы сæрты раст ахизын куыд хъæуы, уыимæ мæ ма уынджы æдасдзинады домæнтæ куыд æххæст кæнын хъæуы, уый. Уæлдай æргом аздæхтой велосипедыл дугъы уайыны хъуыддагмæ. Практикæйы хуызы сæрмагонд фæзтыл инспектортæ сывæллæттæн æмбарын кодтой фæндаггон фæткы домæнтæ.
Паддзахадон автоинспекцийы кусджытæ сабитæн балæвар кодтой талынджы æрттивгæ чи кæны, ахæм нысæндтæ æмæ сæрмагонд чингуытæ. Инспектортимæ сывæллæттæн бæрæгбон сарæзтой шофырты æппæтуæрæсеон æхсæнады уæнгтæ æмæ æдасдзинады лабораторийы кусджытæ.
