Республикæйы æппæт ахуыргæнæндæтты абон бæрзонд систой Цæгат Ирыстоны тырыса æмæ зарыдысты ирон гимн. Кадджын мадзалæй байгом кодтой ирон æвзаг æмæ литературæйы бон бæрæг кæныны къуыри. Дзæуджыхъæуы 38-æм скъолайы ахуырдзаутæ бацæттæ кодтой зарджытæ æмæ æмдзæвгæтæ ирон æвзагыл, вальс æмæ триколортимæ равдыст. Фæсивæдæн арфæ ракодта ахуырад æмæ наукæйы министр Алыбегты Эллæ. Фæнысан кæндзыстæм, ахæм акци регионы кæй ацыд фыццаг хатт.
Кадджын мадзалы фæстæ “Фæсивæд æмæ сывæллæттæ” национ проекты фæлгæты скъоладзаутæн сарæзтой “Ахсджиагыл ныхас”. Фæсивæдæн радзырдтой ирон æвзаг æмæ литературæйы боны равзæрды тыххæй. Ныхас кодтой мадæлон æвзаджы райрæзтмæ æгæрон бавæрæн чи бахаста, уыцы зындгонд адæмы тыххæй.
