Беслæны дарддæр цæуынц мысæн æмæ хъыггæнæн бонтæ – 17 азы размæ 1-æм скъолайы чи бацарæфтыд, уыдоны номарæн Вахтæ.
Сæдæгай адæмтæ цæуынц сывæллæттæ, сæ ныййарджытæ æмæ сæ ахуыргæнджыты ном ссарынмæ. Сæ къухты дидинджыты бæстытæ, хъазæнтæ, мыдадзын цырæгътæ æмæ дон. Беслæны скъола ацы бонты бабæрæг кодтой алы ведомствоты минæвæрттæ дæр, республикæйы цæрджытæ æмæ уазджытæ. Абон 13 сахатыл 5 минутыл скъолайы кæрты азæлыд дзæнгæрæг. Адæм минут алæууыдысты æдзæмæй. Арвмæ суагътой 334 урс шары.
Дзæуджыхъæуккаг æмæ Алайнаг епархийы минæвæрттæ скодтой сæрмагонд литурги, дзуæрттимæ цыд бакодтой «Зæдты горæтмæ». Уым метрономы зæлтæм ныртæккæ кæсынц 334 цыппар хъизæмаргæнæджы номы.
