Цæгат Ирыстоны сæргълæууæг Битарты Вячеслав бабар кодта æхсырисæн пунктты программæйыл бакусын. Уый фадат ратдзæн хойраг сыгъдæг хуызы базары апарахат кæнынæн.
Сæрмагонд гæххæттыл бакусдзысты республикæйы экономикæйы райрæзты æмæ хъæууон хæдзарады министрадтæ. Битарты Вячеслав бабар кодта `ргом раздахын ацы къабазы республикæйы æмæ сыхаг регионты фæлтæрддзинадмæ. Æхсыры куыст кæныны къабазы райрæзтыл дзырдтой проектон офисы æмбырды. Ацы аз майы мæй байгом кæндзысты Уналы цы завод аразынц, уый. Кæндзысты дзы æхсыры куыст. Кооператив «Алания Продукт» райста паддзахадон æххуыс 11 милуан æмæ 800 мин сомы. Ног куыстуаты суткæмæ уаддзысты æхсыр 5 тоннæйы. Афæдзмæ бакусдзысты 1,5 мин тоннæйæ фылдæрыл. Мæздæджы районы Луковскойы станицæйы «Агро-Юг» – куыстуаты райрæзтæн рахай кодтой грант 26 милуан æмæ 900 мин сомы. Хъæууон хæдзарады министрады пъланмæ гæсгæ фæнд кæнынц æхсыры куыст кæнынæн дыууæ куыстуаты саразын нæ республикæйы. 2021-æм азы кæронмæ Цæгат Ирыстоны фæзындзæн заводтæ, кæцытæ суткæмæ æхсыры куыст кæндзысты 100 тоннæйы. Уый ныры бæрæггæнæнтимæ абаргæйæ уыдзæн 2,5 хатты фылдæр. Битарты Вячеслав бабар кодта амалхъом адæмæй æхсырисæн пункттæ чи гом кæны, уыдонæн хъæугæ æххуыс ракæнын. Сæрмагонд гæххæттытæ цæттæ кæнгæйæ, æргом аздахын хъæуы мæгуырдзинады ныхмæ тох кæныны программæйы чи архайы, уыдонмæ.
