«Дзæуджыхъæу – Беслæн» æмæ «Дзæуджыхъæу – Алагир» маршруттыл ныр бафидæн ис транспорты картæйæ

«Дзæуджыхъæу – Беслæн» æмæ «Дзæуджыхъæу – Алагир» маршруттæ ныр сты æнцонвадатдæр. Банчы картæйæ уæлдай дзы бафидæн ис транспорты картæйæ дæр. Ахæмтæ афæдзы райдианæй рауагътой 500 иуæгæй фылдæр. Балхæнæн сæ ис Беслæны автостанцæйы, мыхуыры киоскы æмæ Дзæуджыхъæуы авто- æмæ æфсæнвæндаджы вокзалты. Картæйы аргъ – 200 сомы, уыдонæй 100 уыдзысты йæ хыгъдыл. Специалисттæ куыд зæгъынц, афтæмæй ногдзинады фæрцы сбæрæг уыдзæн пассажирты нымæц. Фенцондæр шофырты куыст дæр.