Дзæуджыхъæуы бюджеты æфтиæгтæ афæдзы фыццаг хайы фæбæрзонддæр сты 33% онг, æмæ баисты 2 млд 880 милуан сомы. Фæфылдæр сты чысыл æмæ рæстæмбис амалхъомады уæлæмхасæн æфтиæгты фæрцы, цæрджыты хи æфтиæгты бæрцы сырæзты руаджы æмæ хъалонты æндæр хуызтæй.
Афтæмæй, бюджетæй та схардз кодтой 2 млрд 500 милуан сомы. Ахæм хатдзæгтæ скодтой Дзæуджыхъæуы администрацийы 24 сессийы æвдæм рамбырды минæвæрттæ.
Сессийы фæлгæты ма рахастой уынаффæ композитор Макоты Ацæмæзæн раттын горæт Дзæуджыхъæуы кадджын гражданины ном, национ музыкалон аивадмæ стыр æвæрæн кæй хæссы, уый тыххæй.
