Дзæуджыхъæуы æрыгон богæлттæ тох кæнын райдыдтой Тедеты Елхъаны номыл приз рамбулыныл

Дзæуджыхъæуы æрыгон богæлттæ тох кæнын райдыдтой Тедеты Елхъаны номыл приз рамбулыныл. Ерысты архайынц канд лæппутæ нæ, фæлæ ма чызджытæ дæр. Тедеты Елхъаны номарæн турнир у æрвылазон, фæуæлахиз уæвын дзы æнцон хъуыддаг нæу. Ацы ерысты архайынц Цæгат Кавказы, Хуссар Ирыстоны, Абхазы æмæ Азербайджаны тыхджындæр богæлттæ. Æдæппæтæй ерысты арæхстдзинад æвдисынц 200 æвзонг спортсмены. Тедеты Елхъаны уæзы, ома 65 кг чи рамбула, уымæн лæвæрд æрцæудзæн сæрмагонд приз. Ам чи фæуæлахиз уа, уыдоны, гæнæн ис, æмæ фидæны фæхондзысты иугонд командæмæ. Уый тыххæй фехъусын кодта Цæгат Ирыстоны уæгъдибар хъæбысхæстæй иугонд командæйы сæйраг тренер Гозымты Хетæг.