Дзæуджыхъæуы дыууæ боны цыд, йе `нæниздзинад кæмæн фӕцудыдта, уыцы сывæллæтты `хсæн турнир мини-футболæй. Мадзаларазджытæ – Уæрæсейы хæдахуыр футболистты лигæ æмæ фæсивæды социализацийы Центры минæвæрттæ. Сæ сæйраг хæс – фæсивæды ‘хсæн æнæниз цардыуаг парахат кæнын æмæ йе `нæниздзинад хъыгдæрд кæмæн у, уыцы сабиты фарстатæм æхсæнады хъус æрдарын.
Турниры уыд фæлтæрдджын командæтæ дæр. Сæ иу «Сириус» – æппæтуæрæсеон спартакиадæйы чемпион мини-футболæй. Ерысты кӕрон уæлахиздзаутӕ æмæ призерты схорзæх кодтой кубоктӕ æмæ зæрдылдарæн лæвæрттæй.
